مسلسل(الجماعة) سيناريو من المسلسل

لكاتب الكبير وحيد حامد مكتبة تتبع إحدي دور النشر الكبيرة..

- حركة العملاء داخل المكتبة..

- ترصد الكاميرا دخول «أشرف» حيث يتجه مباشرة إلي أحد العاملين

- الموظف ينظر إليه مندهشاً بعض الشيء.. ثم تردد..

- في هدوء المحقق يستوعب جملة الموظف..

- وهو مندهش..

- الموظف ينظر إليه في بلاهة..

- أشرف يدرك ذلك..

- يسأله

- أشرف وهو يخرج بطاقة من حافظة جلدية.. يقدمها له الموظف ينظر فيها.. تتغير الملامح.. الموظف مأخوذاً

- وهو يتجه إلي الأرفف الخاصة بالكتب..

- ابتسامة من أشرف.

أشرف - من فضلك..

الموظف - تحت أمرك يا أفندم..

أشرف - آلاقي قايمة بالكتب الموجودة..

الموظف - حالياً.. جايز لأ.. لكن جاهز لأي مساعدة حضرتك تطلبها..

أشرف - عاوز الكتب الموجودة عن جماعة الإخوان المسلمين..؟

الموظف - عاوز اللي معاهم.. ولاّ ضدهم..؟

أشرف - بلاش مع وضد.. خلينا في الكتب المحايدة.. الكتب اللي فيها أمانة بحيث الواحد يقدر يستخلص منها حقيقة..

الموظف - أنا مش خبير يا أستاذ.. هو حضرتك عاوز كل الكتب..!؟

أشرف - آه.. إيه المانع..

الموظف - أصلها كتير قوي.. وعلشان تلاقيها لازم تفوت علي كام دار نشر.. وخصوصاً دور النشر التابعة للجماعة.

أشرف - ماهي دي هتكون مؤيدة للإخوان وبتدافع عنهم.. الكتب اللي ضدهم فين..

الموظف - دي جايز تتعب وانت بتدور عليها.. أصلها بتنفد بسرعة..!؟

أشرف - عليها إقبال يعني..!!

الموظف - لا.. الإخوان بيشتروها ويخفوها وهمه شطار في الحكاية دي.. وبيلعبوا اللعبة صح..!!

أشرف - عندي عرض ليك..

الموظف - اتفضل..

أشرف - باعتبار دي شغلتك وانت خبير فيها وعارف الطرق والمسالك ودور النشر إيه رأيك تجمع لي كل اللي تقدر عليه.. وطبعاً مش هنختلف لا في سعر.. ولا في تقدير مجهود.

أشرف - إيه..؟ أنا قلت حاجة غلط..

الموظف - لأ.. بس أنا قلبي عليك.. ويا ريت تسمع نصيحتي..؟ ما تريح دماغك..

أشرف - مش فاهم..

الموظف - أصلك هتقرا كتب الإخوان وتندم علي إنك مش واحد منهم.. وهتقرا الكتب اللي ضد الإخوان وتدعي إن ربنا يخلصنا منهم بمعجزة إلهية.

أشرف - معقولة.. الخلاص من الإخوان عاوز معجزة إلهية..!؟

الموظف - طبعاً يا باشا..!؟ واللي يقول لك غير كده يبقي غلطان.

أشرف - قلت إيه في العرض بتاعي.. علشان أنا وقتي يدوب علي قد شغلي..

الموظف - اتفقنا يا أستاذ..

الموظف - أمن الدولة حضرتك..!!

أشرف - النيابة.. مش المباحث.. لأنها تفرق.

الموظف - إنتو الاتنين فوق دماغنا.. أشوف لحضرتك الكتب المتاحة دلوقت.. لمؤاخذة..

قطع
خاص بالمصرى اليوم

مشكووووووووووووووووووور ولكن متى يذاع وعلى أي قناة

يذاع على القنوات التالية والاوقات التالية:
1= بانوراما دراما
2= نيل دراما - الساعة : 7مساءا و12 بعد منتصف الليل و 10 صباحا
2= كايرو دراما